2017年1月4日 星期三

真的很想你

昨天晚上睡不著,看了一齣故事圍繞著末期癌症病人住在善終醫院的電影,又大哭了一場。爸爸,真的很想你!

2016年8月18日 星期四

Be myself • Love myself

曾經經歷過人生中低潮......
親人離世、患病、失去對將來的期盼。

生老病死,是人生必經階段。說易行難,當要面對時內心總會充斥着無數別人難以體會的感受!
每一個經歷都是人生一個大課題,面對分離,學懂了珍惜眼前和當下、面對生病,學懂了不要介懷別人眼中的自己。路始終要自己行,要負責的要交代的,自己最清楚。面對長大面對衰老,每一個階段皆有它的味道,它的意義,有自信的人就是最美,不放棄就有希望!好好愛自己才有能力去愛別人。

2016年3月27日 星期日

我的第一個紋身

我的第一個紋身終於喺我34歲生日紋上了。

「月亮」有朋友即笑說:「月亮代表我的心」沒錯!這是我爸爸最喜歡的(飲歌),
亦都可能是爸爸離世嘅時候正藉中秋節八月十五日,所以選擇將「月亮」紋喺耳背,彷彿爸爸的教誨一直在我耳邊提點著我。

2014年9月11日 星期四

爸爸, 一路好走

2014年9月8號上午約六時四十分 (農曆八月十五) 爸爸離開左咱們家去了天國。
  先講講我的名字--呂以(嫦)嘅由來:
我有3個家姐同1個哥哥, 名都係由媽媽改的, 生到第4個家姐時媽媽取其名叫
以(婷), 意思即是-好停喇!唔再生喇。
  就算做好避孕措施似乎都阻止唔到我嘅出現, 初初家庭醫生為我媽媽檢查時誤診我係膽石, 到後來發現係一個小生命時, 曾經考慮過人工流產, 嫲嫲就同媽媽講: 不如生個仔仔陪阿哥玩啦! 最終手指救左我一命……出世時媽媽叫爸爸幫我改名, 因為佢改左(婷)都停唔到唔想再改, 爸爸心想: 希望囡囡好似嫦娥噤靚 [唔知點解爸爸會認為嫦娥係一名美女!?] 所以取名為以嫦, 當然大個左我有多謝爸爸冇幫我取名為娥, 正所謂~以以娥娥, 聽起來都覺得煩。所以每年嘅中秋節, 我都會唸起呢件事。

  二月發現爸爸患上膽囊癌第四期, 醫生估計爸爸只有約三個月到半年嘅日子, 爸爸好叻, 捱過了六個半月。往年做節我們家都慣性提早節日前的星期六或日, 今年中秋都唔例外, 星期六預訂了盆菜, 一家大細喺屋企渡過, 呢張全家幅, 多珍貴。

  到了星期日爸爸狀況急轉直下…… 當天爸爸每隔一段時間都會問我:“而家幾點?” 到了晚上約十點, 爸爸開始說話模糊, 眼光有點呆滯, 我和家姐們開始擔心打算送爸爸入院, 問爸爸:“爸爸, 你呢兩日都冇乜食野, 不如入醫院打營養素, 等狀態好啲先返屋企好嗎?” 爸爸好清晰咁講左句:“唔去!”  入夜後爸爸開始不安定地發出微弱的叫喊聲, 但都不忘望着鬧鐘的時間, 身體亦左右不停地反動著, 我們幾姊妹可以做的就只有拖住爸爸的手:“爸爸, 唔好驚!我哋會陪住你, 唔好驚……”過左十二點半, 爸爸終於瞓著了。正打算早上可以送爸爸入仁安醫院, 0015, 0100, 0445, 都幫爸爸量過血壓, 數字顯示都係穩定的, 直到做護士的家姐喺0630幫爸爸量血壓時見到血壓偏低, 急忙叫醒所有人準備出發去醫院, 0640救護車未到, 爸爸就喺睡夢中離開左咱們家。

  點解?點解爸爸要不斷望住時間問住時間? 我心目中的爸爸係一個心思細密, 文靜而又堅強, 正能量滿滿的大好人。從不投訴與發怒, 往往只為人設想的, 就連患病的日子裡, 爸爸都會重複的提點著我 :“唔駛成日返黎睇爸爸, 爸爸知你乖, 要記得有足夠休息, 處理好工作, 爸爸愛妳!”  能夠擁有一個這麼懂得愛, 這麼懂得付出的爸爸多幸福!爸爸,  我都好愛好愛你。但...是你刻意支撐到中秋節正日才離開的嗎? 

  呢兩天上網查閱一下關於中秋節的傳說, 其中一個: 【中國人相信祈求月神的保佑,可以使全家團圓吉祥,因此中秋節要吃月餅,月餅就是象徵團圓。除了月餅,中秋節還吃柚子,因為「柚」與「佑」諧音,也是希望月亮護佑的意思。中秋節這一天到處都有人賞月,這一天的月亮是一年中最美的,情侶也喜歡在這一天約會,以祈求「月圓人圓」。中秋節的氣氛是寧靜、優美的,與其他熱鬧的節慶有很大的不同。】 爸爸, 相信你的心意係想我們用最平和, 最寧靜的心情去面對你的離開, 你要[咱們家]知道每年的中秋節正日要一家人團團圓圓就如與爸爸你同在, 不要哭哭啼啼, 因為你永遠都會活喺我們每一個人的心裡面, 帶着一份祝福。爸爸, 一路好走!我們會好好活下去。永遠懷念你的細女-以嫦

  


  
  

2014年6月18日 星期三

爸爸的手


喺我三年班嘅時候作過一篇文章我好記得嘅, 
題材係《爸爸的手》。
我讀小學嘅年代, 爸爸返早班6點至下午2點, 而媽媽返中午12點至晚上10點++。
小學嘅時候我係讀上午班, 所以午飯晚餐都係由爸爸照顧我, 同爸爸相處時間比較多, 感情自然會特別深。
爸爸以前係一個綠線小巴司機, 1車養起4家人, 有嫲嫲一家, 婆婆一家, 表姐一家, 仲有我們“咱們家”。
以前嘅小巴旁邊會有一個單坐位, 就好似私家車咁, 當然比私家車隔得開啲。
每逢1230放學嘅時候, 我就會好期待, 好開心咁跑去車站度等爸爸架小巴黎接我, 而爸爸會喺差不多嘅時候, 放一叠報紙喺“私家位”度霸住俾我放學上車遊車河。
新蒲崗-黃大仙/新蒲崗-慈雲山, 我鐘意後者多啲, 因為路程長啲, 而且有大斜坡, 有離心力又刺激, 仲會經過好多中學, 有好多靚哥哥靚姐姐望。
生面口的, 熟面口的, 一上一落, 來來回回, 除左睇“風景”, 我就係會瞓覺。
短短幾年嘅遊車河生涯, 自升上中學之後, 就只能成為回憶, 亦都冇再搭過新蒲崗至慈雲山線, 小巴亦都冇左私家位, 爸爸做左老闆, 都冇再揸小巴。

成日話工作好忙, 成日話要實現夢想, 成日話要進修, 成日話... 等爸爸下年退休之後要爸爸媽媽享受生活, 帶佢哋周遊列國, 成日話... ...。
"得個講字!", 成日比媽媽(寸)呢句說話, 我知錯喇!

自從2月發現爸爸患上左膽囊癌末期, 我個心就好似比刀割一樣好痛, 好痛好痛。
但我知道一定要堅強, 我要去照顧好爸爸, 去支持爸爸, 去陪爸爸行呢一段路, 呢場仗一定會贏!
<愛要及時, 別愛得太遲>

2014年5月5日 星期一

謬論一之缺陷美

好多時我都好怕書籍雜誌會被弄髒弄皺, 所以唔鐘意帶書本雜誌出街睇。

但係唔帶出街, 噤少時間喺屋企只會形成-->齋買唔睇, 最近去完歐洲覺得成個人都充滿了藝術氣質 >,<  突破了書籍一定要直的定論, 而家反而覺得, 打摺弄皺了的更有立體感, 更有經歷... ...

是正所謂嘅缺陷美。

2013年12月25日 星期三

台北聖誕24.12.13

DAY 1:
由落機(1130)到巴士站出市區:兌換錢, 出電話咭, 去洗手間...都用1個小時, 現在1230在車上出市區了。
從機場大概要45分鐘到市區, 帥客酒店就在中正紀念堂站 2號出口步行約8-10分鐘,
$570一晚價錢有浴缸, 環境和設備的價比值超高。
去完了上引水產食海鮮, 一盤共20片的三文魚拼油甘魚
都只是$65(240nt), 新鮮好味道, 但來回的士車資要$105(390nt)囉…!
打道回府(酒店)換件衫再去101大樓過聖誕, 下雨天行街真不爽, 商場也沒什麼好行, 不是太貴就是有點過時的款式, 所以就去了三越買電影票看-Mitty(票價都要310nt1位), 不知是太累還是電影太悶, 痛苦中等時間過
晚上去了101附近把酒言歡, 再去師大夜市-冬瓜茶, 抓餅, 割肉包, 車仔麵的......發瘋的好吃!
DAY 2:
晚了起床, 吃不到酒店早餐, 感覺到自己應該是感冒 ;(
聽了昨天的司機介紹(他是從香港移民過來的)去了金峰吃魯肉飯, 魯肉米粉, 通通都好食。
向台北車站進發。
終於要買藥了, 好久未試過這樣的手軟腳軟, 大概是下雨天被淋濕了一點, 身體就轉差囉…
到台車站的任務居然是兌換台幣, 找了2家銀行, 都徘徊在3.727和3.73之間, 跟機場沒分別, 皇天不負有心人, 找到富邦銀行-3.806的匯率, 多換的315nt, 可抵銷2杯咖啡 :)